Psa Mga SalmoŽalmy, salmožalm Mga SalmoKniha žalmů, salmožalm 99

Naghahari ang Panginoon

at nakaupo sa gitna ng mga kerubin.

Kaya ang mga taoʼy nanginginig sa takot

at ang mundoʼy nayayanig.

Makapangyarihan ang Panginoon sa Zion,(a)99:2 Zion: O Jerusalem.

dinadakila siya sa lahat ng bansa.

Magpupuri ang mga tao sa kanya

dahil siya ay makapangyarihan at kagalang-galang.

Siya ay banal!

Siyaʼy Haring makapangyarihan at ang nais niyaʼy katarungan.

Sa kanyang paghatol ay wala siyang kinikilingan.

Ang ginagawa niya sa Israel(b)99:4 Israel: Sa Hebreo, Jacob.

ay matuwid at makatarungan.

Purihin ang Panginoon na ating Diyos.

Sambahin siya sa kanyang trono.(c)99:5 trono: Sa literal, tuntungan ng paa.

Siya ay banal!

Sina Moises at Aaron ay kanyang mga pari,

at si Samuel ay isa sa mga nanalangin sa kanya.

Tumawag sila sa Panginoon

at tinugon niya sila.

Nakipag-usap siya sa kanila

mula sa ulap na parang haligi;

sinunod nila ang mga katuruan

at tuntunin na kanyang ibinigay.

Panginoon naming Diyos,

sinagot nʼyo ang dalangin ng inyong mga mamamayan.(d)99:8 ng inyong mga mamamayan: Sa Hebreo, nila; Maaari ding sina Moises, Aaron at Samuel ang tinutukoy gaya ng nakasulat sa talata 6|PSA 99:6.

Ipinakita nʼyo sa kanila na kayo ay Diyos na mapagpatawad

kahit na pinarusahan nʼyo sila sa kanilang mga kasalanan.

Purihin ang Panginoon na ating Diyos.

Sambahin siya sa kanyang banal na Bundok,

dahil ang Panginoon na ating Diyos ay banal.