Psa Mga Salmo, salmo Mga Salmo, salmo 43
O Diyos, patunayan po ninyong
akoʼy walang kasalanan,
at akoʼy inyong ipagtanggol
sa mga hindi matuwid.
Iligtas nʼyo ako sa mga mandaraya
at sa mga masasama.
Kayo ang Diyos ang aking tanggulan,
bakit nʼyo ako itinakwil?
Bakit kailangan pang magdusa ako
sa pang-aapi ng aking mga kaaway?
Paliwanagan nʼyo ako at turuan
ng inyong katotohanan,
upang akoʼy magabayan pabalik
sa inyong Templo sa banal na bundok.
Nang sa gayoʼy makalapit ako
sa inyong altar, O Diyos,
na nagbibigay galak sa akin.
At sa pamamagitan ng pagtugtog ng alpa
ay pupurihin ko kayo, O aking Diyos.
Bakit nga ba ako nalulungkot at nababagabag?
Dapat magtiwala ako sa inyo.
Pupurihin ko kayong muli,
aking Diyos at Tagapagligtas!