ПсSal. ПсалтырSalmos, псаломsalmo ПсалтырLibro de los Salmos, псаломsalmo 128

Сьпеў узыходжаньня. Шчасьлівы кожны, хто баіцца ГОС­ПАДА, хто ходзіць шляхамі Ягонымі.

Ты будзеш працу рук тваіх есьці, ты шчасьлівы, і добра табе!

Жонка твая ў доме тваім будзе плодная, быццам лаза вінаградная; сыны твае — як галіны аліўкавыя, наўкола стала твайго.

Вось, гэтак будзе дабраслаўлёны чалавек, які баіцца ГОСПАДА.

І дабраславіць цябе ГОСПАД з Сыёну, і ты будзеш бачыць дабрабыт Ерусаліму ў-ва ўсе дні жыцьця твайго,

і будзеш бачыць сыноў ад сыноў тваіх. Супакой над Ізраілем!